#EXCLUSIF – La #BIAT victime, d’une méga #cyber-attaque
#BIAT

- البانكة تعرضت ليلة 17 فيفري لعملية قرصنة خطيرة وقفت المعاملات الكل متاع أمس والهجوم هذا يعرف بال ransomware وهو برمجية خبيثة تشفر الdata متاع أي système d'information و بالتالي يستحيل إسترجاعها نظريا دون الحصول على المفتاح المستخدم في تشفيرهاوالي لازمك تدفع فدية في مقابله للقراصنة إلي طالبين 20 مليون دولار تدفع بالbitcoin كيف ما جرات العادة.

 

- علاش مافماش بلاغ رسمي وشكون خرج الخبر ؟ : الخبر خرجو امس خبير فالأمن المعلوماتي إلي نتصور اتصلوا بيه الBIAT باش يعاونهم، بالنسبة للجماعة إلي تسأل علاش مافماش بلاغ رسمي مالبانكة الجواب ساهل، في تونس عمرنا مكنت عنا ثقافة الcom de crise وديمة أي حكاية نحاول نلموها مغير مايسمع بها حد ونتصور الBIAT خايفة عالسمعة متاعها كأول بنك في تونس و ماتحبش تفجعش الحرفاء متاعها بش مايهبطوش الكل يحبوا على فلوسهم.

 

- بالنسبة للعباد إلي خايفة على فلوسها وإلي عندهم قروضات وفرحانين ماشي فيبالهم باش يتفسخوا راهم غالطين، راو شيء ما يضيع في البنوك بالعربي فلوسكم و قروضاتكم ماهيش باش تتمس على خاطر كل شي عندو backup رقمي وفالبنوك بالذات عندهم أرشيف papiers يقعد محفوض سنين حسب القانون البنكي.

 

- حسب ما سمعت اليوم رجعوا في بعض الفروع يخدموا في المعاملات متاع versement et retrait en espèces بإستعمال une application de PCA باش يسڨدوا العباد حتى يرجع السيستام الرسمي أما لازم كل حريف يمشي لل agence متاعو وهذي حاجة باهية.

 

- تقنيا الحكاية إلي قاعدين يحكيوا فيها برشة ناس إلي القرصنة صارت على خاطر فال BIAT مازلوا يستعملوا في Windows XP راهي غالطة، بالنسبة لل les serveurs لكلها Linux/Unix ماهيش Windows أصلا وحتى les postes clients إلي مستعملين فال les agences لكلها Windows 7 صارلها سنين وممكن برشة توة تعداوا لل Windows 10.

 

- بالنسبة للsysteme d'information متاع ال BIAT  يعتبر أحسن مافمة في تونس اليوم وصارفين مليارات زرقة على un projet de refonte et transformation digitale de leur ancien SI واليوم عندها أقوى core banking system موجود فالعالم إلي حتى برشة بنوك كبيرة في اوروبا مازلت معندهاش كيفو حاليا أما المشكلة في تونس اخر حاجة يخمو فيها هي الحماية والأمن المعلوماتي وما يحبوش يصرفوا عليهم.

 

- حاجة أخرى العالم حاليا قاعد يعاني من عديد ال cyber attaques خاصة هجمات ال ransomware إلي تضاعفت بشكل رهيب في زمن الكورونا مثلا فرنسا إلي نهار كامل نضربوا بها فالمثل تعاني من نفس المشكلة عندها مدة وصارتلها عدة عمليات قرصنة على les hopitaux وعدة ادارات إلي وقفوا كليا ودورها يخدموا بالورقة والستيلو حتى يلقاوا حل واخرها امس صارت attaque على TF1 تسببت في إلغاء بث أخبار 13h.

- بالنسبة لموضوع الحماية والأمن المعلوماتي موضوع مهم وحساس برشة فالعالم لكل اليوم وبرشة دول قاعدة تحضر في جيوش سيبرنية باش تخوض نوع جديد الحروب كيف روسيا و الصين و إسرائيل و كوريا الشمالية ولي قاعدين يتخاطفوا في خبراء السلامة المعلوماتية إلي يتعدوا عالصوابع فالعالم، في تونس عنا برشة كفاءات شابة فالمجال هذا يتسماوا white hat أو hacker éthique يعاونوا في أكبر الشركات كيف Intel و Facebook و Microsoft باش يكتشفوا الثغرات ويصلحوها ويخلصوهم أما في تونس محڨورين و إلي يبعثل لأي شركة تونسية على ثغرة باش يصلحوها حتى بلاش يصبح يبحث ويشكيوا بيه

 

- أخيرا نشالله الحكاية هذي تكون درس لبرشة شركات في تونس باش تحمي روحها وخاصة الدولة إلي اليوم أي هجوم سيبرني ينجم يوقفلك بلاد كاملة و يشل اقتصادها و كيف ما يقولوا الهاكرز "الحماية ما جعلت الا لتخترق".